VV-ja akuzon PDK-në se kërkoi nga BE-ja të mos hiqen masat ndëshkuese

Lëvizja Vetëvendosje ka akuzuar dy zyrtarë të PDK-së se kërkuan nga Bashkimi Evropian të mbajë masat ndëshkuese ndaj Kosovës, duke zbuluar emrat e tyre dhe detaje të takimit të zhvilluar në fillim të nëntorit

(E përditësuar) Deputeti i Lëvizjes Vetëvendosje, Adnan Rrustemi, ka akuzuar dy zyrtarë të lartë të Partisë Demokratike të Kosovës (PDK), se ata kanë kërkuar që masat ndëshkuese të Bashkimit Evropian ndaj Kosovës të mos hiqen.

Sipas Rrustemit, kjo kërkesë është bërë për arsye të fushatës elektorale, në kohën kur po publikohej raporti i progresit për Kosovën.

“Dy zyrtarë të lartë të PDK-së, anëtarë të Kryesisë, kanë kërkuar që të mos hiqen masat për Kosovën, sepse kjo mund t’u shërbejë atyre në fushatë. Kjo është një kërkesë skandaloze,” ka thënë Rrustemi.

Ai ka theksuar se megjithëse kërkesa nuk ndikon direkt në politikën e BE-së, shqetësimi mbetet për faktin që dy politikanë janë të gatshëm të kërkojnë diçka të tillë.

Deputetja e Lëvizjes Vetëvendosje, Arbëresha Kryeziu-Hyseni, ka konfirmuar se takimi që përfshinte dy zyrtarët e PDK-së dhe dy përfaqësues të Bashkimit Evropian ka ndodhur në fillim të nëntorit.

Ajo ka bërë të ditur emrat e zyrtarëve të PDK-së që kanë kërkuar që të mos hiqen masat ndëshkuese të BE-së për Kosovën.

“Unë i kam emrat e dy zyrtarëve të PDK-së, po ashtu edhe emrat e dy përfaqësuesve të BE-së. E di gjithashtu kohën dhe vendin ku është mbajtur takimi, si dhe për çfarë është folur,” ka thënë Kryeziu-Hyseni.

Megjithatë, ajo ka preferuar të mos përmendë emrat e përfaqësuesve të BE-së.

Kryeziu-Hyseni ka zbuluar se dy “zyrtarët e PDK-së” të përfshirë në këtë kërkesë sipas saj, janë Bernard Nikaj dhe Petrit Selimi.

“Është e vërtetë që kjo ka ndodhur në fillim të nëntorit në BE- në mes të dy zyrtarëve të PDK-së që janë takuar me dy përfaqësues të BE-së. I kam emrat e dy zyrtarëve të PDK-së njëjte si për dy zyrtarët e BE-së, E di edh ekohën edhe vendin se ku është mbajtur takimi dhe se për çfarë është folur në takim. Unë nuk i kam përmend emrat por këta dy zyrtarë kanë reaguar vetë. Janë zotëri Bernard Nikaj edhe Petrit Selimi”, ka deklaruar Kryeziu – Hyseni.

Shija e redaktorit

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Rutte: NATO po ndjek zgjedhjet në Kosovë, duket se do...

Sekretari i Përgjithshëm i NATO-s, Mark Rutte, ka komentuar zhvillimet politike në vend gjatë një konference për media, duke vënë në pah se aleanca...

Të fundit nga rubrika