Aktori, Will Smith, ka goditur me shuplakë komedianin Chris Rock, në cermoninë e çmimeve Oscar, pasi ky i fundit bëri një shaka drejtuar gruas së tij.
Rock, bëri shaka me kokën e rruar të Jada Pinkett Smith, e këtë shaka, burri i saj, Will Smith, nuk e mori me sportivitet.
Ai doli në skenë dhe e goditi me shuplakë Rockun, duke e vënë atë në një situatë të sikletshme. Rock iu kundërpërgjigj duke thënë se ishte vetëm një shaka, por, Smith vazhdoi të thotë me zë të lartë “hiqe nga goja emrin e gruas sime”.
“Kjo ishte nata më e madhe në historinë e televizionit”, ka thënë Rock, pasi u godit nga Smith.
Jada Smith, kishte treguar më herët në rrjetet sociale që vuante nga një sindromë që shkaktonte rënien e flokëve.
Këtë incident e ka dënuar Akademia e Ocsar, e cila ka thënë se janë kundër dhunës.
“Akademia nuk e pranon dhunën e asnjë formë. Sonte, kemi kënaqësinë të festojmë fituesit tanë të 94-të të çmimeve Oscar, të cilët meritojnë këtë moment njohjeje nga bashkëmoshatarët e tyre dhe dashamirësit e filmit në mbarë botën”, ka shkruar Akademia në Twitter.
Will Smith, fitoi çmimin e tij të parë Oscar, me këtë rast ai shfrytëzoi skenën për t’i kërkuar falje Akademisë, dhe kolegëve të tij, por jo, edhe Rockut, të cilin e goditi.
Smith përfundoi fjalimin e tij duke thënë se shpreson që Akademia ta ftojë përsëri atë.