Vetëm 4 pika të udhërrëfyesit për zbatimin e marrëveshjes për energjinë në pjesën veriore, kanë arritur të zbatohen për gati 1 vit.
Në qershor të vitit të kaluar Kosova e Serbia, kishin arritur marrëveshje për zbatim të marrëveshjes për energjinë në kuadër të dialogut të lehtësuar nga Bashkimi Evropian.
Por, kompania e licencuar nga Zyra e Rregullatorit të Energjisë, nuk kishte respektuar pikat e këtij udhërrëfyesin, çka u desh ndërhyrja edhe njëherë e Bashkimit Evropian.
Sipas, ZRRE-së, edhe pas një viti, zbatimi i këtij udhërrëfyesin ka mbetur në pikën 5 të saj.
“Deri me tani siç është parapara në Udhërrëfyesin për zbatimin e marrëveshjes për energji janë nënshkruar; Marrëveshja Kornizë për Aderim në Rregullat e Tregut, Marrëveshja mbi detyrimet e Balancimit, si dhe është marrë kodi i idendifikimit të Energjisë (EIC) për të kryer aktivitetet e parashikuara nga Licenca për Furnizim. Në proces janë marrëveshjet komerciale me KEDS për Ofrimin e Shërbimeve në katër komunat veriore, si dhe çështjet tjera që kanë të bëjnë me ofrimin e qasjes ne nënstacionin e Vallaqit dhe në infrastrukturën e transmetimit (KOSTT) dhe shpërndarjes (KEDS)”.
Sipas ZRRE-së, KEDS, KESCO dhe KOST, me kohë kanë përmbushur obligimet e tyre, dhe se janë në komunikim të vazhdueshëm më kompaninë Elektrosever dhe institucionet e tjera të përfshira në këtë.
“KEDS, KESCO dhe KOSTT kanë pasur komunikime të vazhdueshme me Elektrosever për sa i përket përmbushjes së obligimeve që dalin nga vendimi i Bordit të ZRRE-së. KOSTT ka dërguar me kohë tek Elektrosever të gjitha marrëveshjet e domosdoshme teknike për të operuar në tregun e energjisë në Kosovë, siç janë: Marrëveshjen për Aderim në Rregullat e Tregut dhe Marrëveshjen mbi detyrimet e balancimit. Ndërsa KEDS ka dorëzuar marrëveshjen e Kyçjes, pritjet janë që KEDS të dërgojë tek Elektrosver edhe marrëveshjen komercialë për ofrimin e shërbimeve”.
Por, se për kohën se kur do të fillojë faturimi i energjisë elektrike në veri të vendit, nuk ka treguar ky institucion, ashtu sikur për këtë çështje nuk ka kthyer përgjigje as Ministria e Ekonomisë, e qeveria që nga fillimi i kësaj jave.
E sipas organizatës INDEP, përfaqësuesit e Bashkimit Evropian duhet të bëjnë më shumë presion tek pala serbe, që ky udhërrëfyesin të zbatohet sa më shpejtë, në mënyrë që të mos dëmtohet edhe më shumë buxheti i Kosovës.
Tutje ai shton se kjo çështje është politike, dhe se si e tillë do të trajtohet deri në fund.
Banorët e 4 komunave veriore të Kosovës, nuk kanë paguar asnjëherë shpenzimin e energjisë elektrike, dhe se për të mbuluar koston e asaj pjesë, ndër vite qeveria ka ndarë buxhet. Vite më parë, shuma e shpenzuar në atë pjesë, u ishte faturuar qytetarëve të tjerë të Kosovës.