Jo pak oferta kanë ardhur në drejtim të Chelsea gjatë verës për shtatlartin shqiptar.
Megjithatë, secila prej tyre është refuzuar, pavarësisht se Broja ishte duke u rikuperuar nga lëndimi.
Gazetari i njohur italian, Fabrizio Romano, ka zbuluar se Milan, West Ham dhe një skuadër tjetër kishin provuar të ‘rrëmbenin’ atë nga ‘Stamford Bridge’.
Por, sipas tij largimin e Brojës nuk e kishin lejuar drejtuesit e klubit londinez së bashku me trajnerin, Mauricio Pochettino.
Pas një kohe të gjatë, 22-vjeçari të dielën u rikthye në fushën e gjelbër, ku luajti më shumë se dhjetë minuta ndaj Aston Villas.
E tani do të luftojë për pozitën e titulluarit me senegalezin, Nicolas Jackson.
Ekzistojnë gjasat që nga minuta e parë, Armando Broja të luajë të mërkurën kundër Brighton, në kuadër të Carabao Cup.
Rikthimi i tij është një lajm i mirë edhe për Kombëtaren e Shqipërisë, e cila më 12 tetor pret Çekinë në ‘Air Albania’.