Kuvendi i Kosovës ka zgjedhur nënkryetarët e rinj të legjislaturës së re.
Përmes votimit në pako, deputetët kanë zgjedhur Ardian Golën nga Lëvizja Vetëvendosje, Vlora Çitakun nga Partia Demokratike e Kosovës, Kujtim Shalën nga Lidhja Demokratike e Kosovës, Emilja Rexhepin nga grupi multietnik dhe Sllavko Simiqin nga Lista Serbe.
Kandidatët për nënkryetarë morën mbështetjen e 104 deputetëve. Tre deputetë votuan kundër, ndërsa gjashtë abstenuan.