Bashkimi Evropian duhet të vendosë një kufi të gjerë çmimi për të gjitha importet e gazit që hyjnë në bllok, në mënyrë që të vërë nën kontroll faturat në rritje të energjisë, kanë thënë në një letër të përbashkët një grup prej 15 shtetesh anëtare të BE-së.
“Kufizimi i çmimit është e vetmja masë që do të ndihmojë çdo shtet anëtar të zbusë presionin inflacionist, të menaxhojë pritshmëritë dhe të sigurojë një kornizë në rast të ndërprerjeve të mundshme të furnizimit dhe të kufizojë fitimet shtesë në sektor”, shkruhej në letrën e 15 shteteve.
Vendet të cilat e kanë nënshkruar letrën e dërguar Komisionit Evropian për Energjinë janë, Belgjika, Bullgaria, Kroacia, Franca, Greqia, Italia, Letonia, Lituania, Malta, Polonia, Portugalia, Rumania, Sllovakia, Sllovenia dhe Spanja.
Thirrjet për një kufi të çmimeve në mbarë BE-në për importet e gazit kanë fituar tërheqje javët e fundit pasi çmimet rekord në gusht kanë arritur një nivel më të lartë historik prej 346 € për megavat-orë, raporton euronews.
Vendet që mbështesin masën besojnë se BE duke përdorur levën e saj si tregu më i madh i vetëm në botë duhet të vendosë një kufi mbi çmimin që është e gatshme të paguajë për importet e gazit.
Ndërkaq duke kufizuar çmimet e gazit, faturat e energjisë elektrike mund të frenohen artificialisht kanë thë vendet të cilat kanë nënshkruar kërkesën pë kufizim të çmimeve.