Në vitet e 90-ta pushteti serb kishte synime të qarta për shkatërrimin e arsimit të lartë në Kosovë.
Nga i pari i pushtetit serb gjatë asaj periudhe, Sllobodan Millosheviq, arsimi në Kosovë, në veçanti Universiteti i Prishtinës “Hasan Prishtina”, mori goditje serioze.
Qendra Universitare nuk ishte më streha e studentëve dhe as e profesorëve shqiptarë.
Kuvendi i Serbisë vendosi masa të dhunshme në Universitetin e Prishtinës, si pasojë semestri veror i vitit akademik 1990/91 u mbyll më 28 qershor 1991.
Gjatë vitit të ri akademik, udhëheqja e regjimit serb e rriti numrin e studentëve, duke përfshirë studentë serbë të sjellë nga viset e ndryshme të Serbisë dhe të Malit të Zi.
Më 21 gusht 1991 Grupi i Helsinkit në Vjenë, lëshoi një deklaratë duke thënë se arsimi në Kosovë nuk është shkatërruar nga Serbia.
Në fillim të vitit 1992, përgjegjësit e arsimit në Kosovë synuan të gjenden mundësitë që arsimi në Kosovë të rifillojë.
Më 14 shkurt 1992 Universiteti i Prishtinës, njoftoi se më 17 shkurt 1992, mësimi në nivelin universitar do të fillonte në shkollë-shtëpi.