Sipas raportit 24 orësh të Policisë së Kosovës në të gjithë territorin e Kosovës janë raportuar 6 raste të dhunës familjare.
Tri raste kanë ndodhur në komunë e Prizrenit është bërë të ditur nëpërmjet raportit të policisë.
“Prizren, 10.12.2022, 09:00. Viktima femër kosovare, ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. Viktima nuk ka pranuar tretman mjekësor.
Prizren, 10.12.2022-17:50. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur dy viktimat femra kosovare, bashkëshorten dhe vajzën . Me vendim të prokurorit i dyshuari është dërguar në mbajtje.
Prizren, 10.12.2022-19:00. Viktima femër kosovare, ka raportuar se është kanosur nga i dyshuari mashkull kosovar (bashkëshorti ),duke u kërcënuar me jetë dhe duke ushtruar dhunë fizike. I dyshuari së bashku shokun e tij, dyshohet se përmes telefonit kanë kërcënuar edhe menaxherin e kompanisë ku punon viktima dhe një punëtore në atë kompani. Lidhur me rastin është njoftuar prokurori. Rasti nën hetime”, shkruan në raportin e Policisë së Kosovës, duke vazhduar me dy raste tjera në kryeqytetin e Kosovës në Prishtinë.
“Prishtinë 10.12.2022, 01:30. Ankuesja femër kosovare, ka raportuar se pas një mosmarrëveshje, i dyshuari mashkull kosovar djali i saj, ka ushtruar dhunë psikike ndaj saj. Nuk raportohet për të lënduar.
Prishtinë 10.12.2022-19:00. Është arrestuar i dyshuari mashkull kosovar, pasi që i njëjti pas një mosmarrëveshje, ka sulmuar fizikisht prindin e tij viktimën mashkull kosovar. Nuk raportohet për të lënduar ndërsa, me vendim të prokurorit i dyshuari lirohet në procedurë të rregullt.”
Rasti tjetër është raportuar në komunën e Mlishevës.
“Malishevë, 10.12.2022-16:40.Viktima femër kosovare, ka raportuar se pas një mosmarrëveshje është sulmuar fizikisht nga i dyshuari mashkull kosovar bashkëshorti i saj. Viktima ka pranuar tretman mjekësor”, thuhet në raport.