Distria Krasniqi ka arritur ta fitojë medaljen e bronztë në Kampionatin Botëror të xhudos në Tashkent të Uzbekistanit.
Krasniqi në kategorinë deri në 52 kilogramë zuri vendin e tretë, pasi në luftë për medaljen e bronztë e mundi xhudisten nga Izraeli, Gefen Primo.
Dueli shkoi në “Golden Score”, teksa izraelitja mori tri penalizime apo dënime dhe kështu Distria arriti të fitojë në Ippon.
Në raundin e parë, Distria kaloi pa luftë, kurse në të dytin triumfoi me IPPON për 30 sekonda.
Në çerekfinale me sukses triumfoi me një waza-ari ndaj xhudistes nga Mongolia, Khorloodoi Bishrelt.
Por, në gjysmëfinale, Distria u mund në “Golden Score” nga xhudistja britanike, Chelsie Giles.
Distria po vazhdon me suksese kulmore edhe në kategorinë e re, dhe për të kjo është medalja e dytë në Botëror, pasi të parën e kishte fituar në vitin 2019.
Distria fiton për 30 sekonda, kualifikohet në raundin e tretë