Në burgun e Dubravës në pavijonin gjysmë të hapur është duke u zhvilluar një aksion i gjerë i Shërbimit Korrektues të Kosovës në koordinim me Prokurorinë Themelore të Pejës.
Pjesëmarrës në këtë bastisje janë tre prokurorë, zyrtarë nga menaxhmenti i Shërbimit Korrektues, gardianë të shumtë, njësiti policor i qenve dhe ai i anti-drogës.
Brenda burgut të Dubravës ka kontrabandë me mallra por dhe narkotikë, raporton KALLLXO.com.
Informacionet e marra kanë shtyerë Shërbimin Korrektues të themelojë një komision të ndarë në pesë ekipe dhe të formojnë planin e bastisjes brenda hapësirave të burgut të Dubravës.
Ndërsa, një i burgosur është kapur në flagrancë duke biseduar në telefon, pajisje kjo e ndaluar për t’u poseduar e përdorur brenda burgut nga të burgosurit.