Të martën e 11 tetorit, liderët e G7 do të mbajnë një takim online për të diskutuar breshërinë e sulmeve të së hënës anembanë Ukrainës, e sidomos në Kiev.
Në këtë takim do të marrë pjesë edhe presidenti i ShBA-së, Joe Biden dhe kryeministrja e Mbretërisë së Bashkuar, Liz Truss.
Ata pritet të ritheksojnë mbështetjen e tyre për Ukrainën në këtë situatë të luftës.
Po ashtu, në takim do të marrë pjesë edhe presidenti ukrainas, Volodymyr Zelensky.
Ndryshe, të hënën pas sulmeve të para në Kiev, presidenti i Ukrainës, Volodymyr Zelensky ka deklaruar se do të mbajë një takim urgjent me G7 dhe se do të mbajë një fjalim.
Përmes një postimi në Twitter, ai ka thënë se ka folur me kancelarin gjerman, Olaf Scholz i cili aktualisht mban presidencën e G7 dhe se Scholz kishte rënë dakord të mbante një takim urgjent të këtij grupi.
“Fjalimi im është planifikuar, në të cilin do të tregoj për sulmet nga Rusia”, ka thënë Zelensky.
“Ne diskutuam gjithashtu çështjen e rritjes së presionit mbi Rusinë dhe ndihmën në rivendosjen e infrastrukturës së dëmtuar.”, ka vijuar ai.
Ndryshe, në mëngjesin e së hënës së 10 tetorit, mbi dhjetëra civilë janë vrarë e shumë të tjerë janë plagosur si rezultat i sulmeve me raketa në Kiev.
Pas sulmeve në Kiev, Zelensky thërret mbledhje urgjente me G7