Katër persona kanë pësuar lëndime si pasojë e një aksidenti të ndodhur të martën e 11 tetorit në magjistralen Prishtinë-Ferizaj.
Aksidenti ka ndodhur konkretisht rreth orës 12:40, dhe nga ky aksident janë përfshirë dy vetura.
Kështu ka bërë të ditur për Portalin Dukagjini, zëdhënësja e Policisë për rajonin e Prishtinës, Flora Ahmeti.
“Rreth orës 12:40, është pranuar informata për një aksident trafiku rrugor të ndodhur në rrugën Prishtinë -Ferizaj. Në aksident janë përfshirë dy automjete, ku katër persona kanë pësuar lëndime trupore”, ka deklaruar Ahmeti.
Po ashtu, personat e lënduar gjatë aksidentit sipas Ahmetit kanë marrë trajtimin e nevojshëm mjekësor.
Ndërkaq, ajo ka bërë të ditur se njësia rajonale e trafikut ka dalë në vendin e ngjarjes, dhe po ndërmerr veprimet e nevojshme për zbardhjen e shkaqeve që kanë sjellë deri te aksidenti.