Analisti Dardan Gashi i ftuar në Debat Plus në RTV Dukagjini ka vlerësuar ministrat per punën e tyre gjatë këtij mandati.
Dardan Gashi ka thënë se minsitri i Administrimit të Pushtetit Lokal, Elbert Krasniqi ka filluar mirë por duke filluar me ndarjen e fondeve të komunave qeverisja e tij ka ndryshuar.
Ndersa, per ministrin e Infrastrukturës, Liburn Aliu, Gashi tha se është habitur për faktin që nuk ka reaguar për sekuestrimin e villave ne Brezovicë.
Per ministren e Drejtësisë, Albulena Haxhiu, Dardan Gashi shtoi se tentativë e tyre është që të mos e luftojnë krimin por t’i kapin këto institucione.
Per ministren e Punëve të Jashtme, Donika Gervalla, analisti Dardan Gashi tha se sa i përket diplomacisë, ministrja Gërvalla është zero. Gashi shtoi se ministria e Punëve të Jashtme është jofunksionale për shkak të trazirave që ka krijuar Gërvalla.
Tutje, analisti Dardan Gashi, ka thënë se Raporti i Progresit, thotë se qeverisjen e kryeministrit Albin Kurtit e konsideron si qeverisje të korrupsionit të lartë.
“Na kanë lodhë që 20 vjet, që është korrupsioni dhe drejtësia. Raporti i BE-së thotë për kohën e qeverisjes Kurti. BE-ja qeverisjen Kurti e konsideron qeverisje të korrupsionit të lartë, në këtë raport”, ka thënë ai,
Kritika për qeverisjen e Kurtit, Gashi pati edhe sa i përket sektorit të drejtësisë, duke thënë se Ministrja Albulena Haxhiu, nuk është duke i shfrytëzuar si duhet të drejtat e saj.