Aneksimi i katër republikave të Ukrainës nga Rusia nëpërmjet referendumeve në tuten e armeve siç i kanë quajtur autoritet e shtetit të Ukrainës, kanë qenë arsyeja pse Shqipëria dhe Shtetet e Bashkuara të Amerikës, kanë propozuar rezolutë në Këshillin e Sigurimit të Organizatës së Kombeve të Bashkuara(OKB).
Rezoluta e cila kundërshton aneksimin e territorit të Ukrainës nga shteti rus nëpërmjet referendumeve është miratuar në Asamblenë e Përgjithshme me 143 vota.
Të mërkurën 12 tetori Asambleja e Përgjithshme e Kombeve të Bashkuara ka votuar me shumicë dërrmuese ku e kanë dënuar e aneksimet e Rusisë ndaj disa rajoneve të Ukrainës, ndërsa Moska kishte vendosur veton në Këshillin e Sigurimit ndaj propozimit të Shqipërisë dhe ShBA-ve.
#NOW: #UNGA just voted! The world is and stays united, isolating #Russia further & condemning its unacceptable actions.
Sham referenda and territory annexation have no place in the 21st century. #Russia should listen, stop its war of choice and respect #Ukraine and its borders. pic.twitter.com/FyWtWOXkwt
— Albania in UN (@AlMissionUN) October 12, 2022
Ambasadori shqiptar në OKB,Ferit Hoxha e quajti një rezultat historik votimin pro të 143 shteteve, të cilët i thanë jo luftës në Ukrainë.
“Një rezultat historik. Përmendja e dëshpëruar dhe artificiale e rastit të Kosovës (& Tajvanit) nuk e mbrojti Rusinë nga një disfatë dërrmuese. 143 vende i thanë një JO të fuqishme luftës, JO referendumeve të rreme, JO aneksimit të territorit. #QëndroniMeUkrainën”, ka shënuar në Twitter.
Kurse ministri i Punëve të Jashtme të Ukrainës, Dmytro Kuleba tha se vendimet ruse për tentativën e aneksimit duhet të anulohen dhe se Rusia duhet të tërheqë forcat e saj nga i gjithë territori ukrainas.
Grateful to 143 UN member states who supported UNGA resolution "Territorial integrity of Ukraine: Defending Principles of UN Charter”. The demand is clear: Russian decisions on attempted annexation must be reversed; Russia must withdraw its forces from all of Ukraine’s territory. pic.twitter.com/6FF5UBPUjX
— Dmytro Kuleba (@DmytroKuleba) October 12, 2022
“Mirënjohës ndaj 143 vendeve anëtare të OKB-së që mbështetën rezolutën e OKB-së “Integriteti territorial i Ukrainës: Mbrojtja e Parimeve të Kartës së OKB-së”. Kërkesa është e qartë: vendimet ruse për tentativën e aneksimit duhet të anulohen; Rusia duhet të tërheqë forcat e saj nga i gjithë territori i Ukrainës”, ka shkruar Kuleba, raporton TCH përcjellë Portali Dukagjini.