Rrjeti i Organizatave Joqeveritare AVONET, vendimin e Gjykatës Themelore në Pejë në lidhje me vrasjen e Agonis Tetaj, e ka quajtur skandaloz, jo profesional dhe të padrejtë.
Për vrasjen e Tetajt, Shaban Gogaj është dënuar me shtatë vjet e gjysmë burg.
AVONET e ka ndjekur me shqetësim mënyrën se si është zhvilluar çështja penale në rastin e të akuzuarit Shaban Gogaj.
“Ricilësimi i këtij rasti nga vrasja e rëndë në vrasje nga pakujdesia paraqet gjithçka tjetër, vetëm drejtësi jo”, kanë shkruar në Facebook.
AVONET ka kërkuar që Gjykata e Apelit që ky rast të kthehet në rigjykim për arsye se vendimi nga Gjykata Themelore në Pejë është i padrejtë, jo profesional dhe i njëanshëm.
Ndërsa kanë shtuar se rastet e tilla duhet të merren dhe trajtohen më me seriozitet sepse këto raste në asnjë mënyrë nuk duhet të shndërrohen në shembuj për qytetarët dhe të krijohet mungesa e besimit në organet e drejtësisë.