Opsionet e Kosovës përballë inflacionit

Rritja e çmimeve të produkteve është bërë temë diskutimi tash e një kohë edhe në Kosovë. Pandemia, e pasuar me konfliktin në Ukrainë, janë indikatorët kryesor që e kanë vënë ekonominë botërore para një trendi të tillë, e pashmangshëm edhe Kosovën

Ilustrim





Rritjes së çmimeve, nuk i ka shpëtuar as tregu i vogël i Kosovës, në raste edhe duke kapur shifra rekorde.

Ekonomistët, japin disa ide se si do të mund të veprohej në këtë situatë.

Naim Huruglica, ish-drejtor i Doganave të Kosovës, përmend se përveç uljes së akcizës e TVSH-së, duhet të ketë edhe mbështetje direkte për produkte të caktuara.

“Mund të jetë një kombinim i uljes së normës së TVSH-së për një kohë të caktuar sepse nëse e dini akciza nuk përcaktohet në bazë të çmimit të rritur të importit, por në bazë të sasisë së importuar dmth ajo është e përcaktuar në sasi jo në çmim, ndërsa TVSH-ja rritet sepse TVSH-ja është në vlerë. Në rastin konkret nëse Qeveria arrinë me sjellë ma shumë të hyra, si rezultat i rritjes së çmimit në tregun botëror do të ishte e logjikshme që ta gjej metodën që këto të hyra ose ti kthej mbrapa ose ta zvogëloj TVSH-në për përqindjen e çmimeve që janë rritë. Dmth mund të behët një kombinim i këtyre politikave duke përfshirë edhe subvencionimin e industrive të caktuara”, ka thënë Huruglica.

Naim Huruglica, ekonomist

E një opsion tjetër, që sipas Endrit Fetës, njohës i ekonomis politike, do të mund të ketë ndikim direkt në ekonominë e tregut është heqjen e përkohshme të akcizës në naftë, shkaku i efektit të saj zinxhiror.

“Është e kuptueshme dhe e pranueshme që kjo në vete mbartë koston e humbjeve të të hyrave nga akciza në naftë, megjithatë me dyfishimin e akcizës në duhan dhe në pije alkoolike mbi 2/3 e kësaj kosto do të mund të rikuperohej duke marrë parasysh edhe edhe rënien e konsumit tek këto dy të fundit. Tutje unë mendoj që nëse ky ndryshim në akcizë do të përcillej me çmimin tavan, masën të cilën aktualisht e aplikon Qeveria e Kosovës do të hiqte çdo dilemë për efektshmërine dhe do t’i mundësonte bizneseve e  qytetarëve të Kosovës që ta paguanin çmimin e naftës për 35 centë më lirë, dhe kosto totale e kësaj do të ishte rreth 50 milion më pak inkasim nga akciza në një periudhë 6 mujore”, ka thënë Feta.

Endrit Feta, ekonomist

Feta, i pyetur për përgjigjen e qeverisë përballë inflacionit, ka theksuar se masat e deritashme, nuk kanë qenë të efektshme.

Sipas të dhënave të Agjencisë së Statistikave të Kosovës, norma vjetore e inflacionit e matur gjatë muajit shtator të këtij viti, e krahasuar me atë të vitit 2021 ishte 12.7 për qind.

Ndër produktet që kanë ngritje të theksuar të çmimeve, në raportin e ASK-së përmenden lëndët djegëse të ngurta, drutë e zjarrit si edhe peleti, që kanë shkuar deri në 60 % më shtrenjtë.





Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika