“Më duhet t’iu rikujtojë se bisedimet në mes të Kosovës dhe Serbisë nuk kanë nisur me zgjedhjet e fundit në Kosovë por, kanë nisur që 11 vitet”, ka deklaruar ministri i jashtëm i Serbisë, Nikola Selakoviq.
I pari i diplomacisë serbe ka folur para Këshillit të Sigurimit në Organizatën e Kombeve të Bashkuara(OKB), ku ka mohuar se situata në Kosovë e prezantuar nga ana e shefes së UNMIK-ut, nuk është ashtu, por sipas tij, në teren ka pasur incidente të shkaktuara nga shqiptarët dhe nga institucionet e Kosovës kundrejt serbëve në Kosovë.
“Situata nuk është e njëjtë siç është paraqitur në raport, sepse lëvizjet e Kosovës në terren kanë shkaktuar diskriminimi për popullatën jo shqiptare në terren. 105 sulme të motivuar etnikisht kanë ndodhur që nga fillimi i këtij muaji”, ka deklaruar Selakoviq.
Sipas tij, institucionet e Kosovës janë duke punuar aktivisht për gjëra për të cilat ata nuk janë pajtuar në dialogun e ndërmjetësuar në Bashkimi Evropian.
Ai ka vazhduar të pretendojë se Kosova është duke i sabotuar palët e përfshira në dialog.