Policia e Kosovës ka njoftuar se në orët e mbrëmjes të së mërkurës një 34-vjeçar ka humbur jetën, pasi është goditur nga një veturë në rrugën Prishtinë-Gjilan, përkatësisht në fshatin Hajvali.
“Si pasojë e aksidentit, lëndime të rënda trupore ka pësuar një person (këmbësor), i cili nuk ka arritur të përballojë plagët dhe i njëjti ka ndërruar jetë”, thuhet në njoftimin e Policisë.
Vdekjen e tij e ka konstatuar ekipi mjekësor në QKUK.
Sipas njoftimit, viktima është dërguar për obduksion në Institutin e Mjekësisë Ligjore,
ndërsa personi i dyshuar (ngasësit të automjetit) me vendim të prokurorit i është shqiptuar masa e ndalimit për 48 orë.