Komisioni Evropian ka propozuar një projektligj që do t’i detyrojë bankat të ofrojnë pagesa të menjëhershme në euro pa kosto shtesë.
Ky propozim do t’i lejojë njerëzit të transferojnë para në çdo kohë të ditës, çdo ditë të javë dhe brenda vetëm 10 sekondave.
Mairead Mc Guinness, shefe e shërbimeve financiare të Bashkimit Evropian, e ka quajtur kalimin sizmik dhe të krahasueshëm me lëvizjen nga posta në e-mail.
Ajo ka thënë se ishte veçanërisht e rëndësishme në një kohë kur kontinenti po përballet me rritjen e faturave të energjisë dhe një krizë të kostos së jetesës që do të thotë “çdo cent vlen”, shkruan euronews.
Një nxitje për fluksin e parave
Lëvizja me të vërtetë mund të përmirësojë ndjeshëm fluksin e parave për familjet dhe bizneset, dhe të sjellë kursime për ndërmarrjet e vogla dhe të mesme, veçanërisht shitësit me pakicë.
Në çdo ditë, pothuajse 200 miliardë euro janë të mbyllura në tranzit në sistemin financiar, një e ashtuquajtur “luhatje pagese” që tani mund të lirohet dhe të riinjektohet më shpejt në ekonomi, kështu kanë thënë nga Komisioni.
Me fjalë të tjera, nuk ka nevojë të shikoni në llogarinë tuaj bankare për ditë të tëra duke pritur që çeku juaj i pagës të arrijë, ju mund të filloni t’i shpenzoni ato në minutën që punëdhënësi juaj transferon paratë.
Cilat janë ndryshimet që do të sjellë ky propozim?
Atëherë konsumatorët do të paguajnë në dyqane përmes një kodi, jo sikurse rëndom me kartelë të kreditit, por përveç në dyqane do të mund të paguajnë edhe në restaurant apo për të blerë gjëra tjera.
Ndryshimet që ky propozim do t’i sjellë janë, Të gjitha bankat do të ofrojnë pagesa të menjëhershme për të gjithë klientët e tyre, pagesat do të ofrohen pa kosto shtesë dhe bankat do të duhet të kontrollojna nëse numri i llogarisë përputhet me emrin e përfituesit të pagesës, pasi kështu evitohet çdo rrezik mashtrimi.