Britanikja dhe fituesja e Grammy, Adele, ka thënë se pas shfaqjeve në Las Vegas dëshiron të studiojë për një diplomë të Letërsisë Angleze, pra të jetë mësuese e anglishtes.
Gjatë një sesioni pyetjesh dhe përgjigjesh nga fansat në Los Anxhelos, ajo ka thënë se dëshiron të marrë një diplomë në Letërsi Angleze.
“Nëse nuk do të kisha arritur të këndoja, mendoj se do të isha mësuese e anglishtes”, ka thënë Adele, shkruan BBC-ja.
Tutje, ajo ka shtuar se nuk do ta lërë anash një dëshirë të tillë dhe se këtë e ka plan ta realizojë deri në vitin 2025.
“Padyshim që mendoj se e përdor pasionin tim për anglishten. Por do të doja të kisha shkuar në universitet dhe ta kisha atë përvojë, por do ta bëj online me një mësues. Ky është plani im për vitin 2025, vetëm për të marrë kualifikimin”, ka shpjeguar ajo.
Këngëtarja 34-vjeçare do të përformojë nga viti i ardhshëm në Sin City, si dhe do t’i këndojë mësueses saj të vjetër të anglishtes, zonjës McDonald, me të cilën u takua në skenën e këndimit në Las Vegas.