Të paktën 32 persona kanë vdekur dhe shumë të tjerë janë plagosur pasi një urë është shembur në shtetin perëndimor të Indisë, Gujarat.
Qindra janë zhytur në lumin Macchu në qytetin Morbi. Pamjet lokale tregojnë njerëz që varen nga ura e varur pjesërisht e zhytur në ujë.
Raportet thonë se rreth 400 njerëz ishin në strukturë në atë kohë, ndërsa autoritetet kanë thënë se përpjekjet e shpëtimit ishin duke u zhvilluar.
Ngjarja ka ndodhur vetëm katër ditë pasi ura është rihapur pas riparimeve, raporton BBC.
Kryeministri indian Narendra Modi ka thënë se është “thellësisht i pikëlluar nga tragjedia”.
“Ne mund të konfirmojmë se 30 njerëz kanë humbur jetën, shumë janë shpëtuar nga lumi dhe disa janë ende të zhdukur,” ka thënë Amit Jhala, një administrator i lartë në spitalin shtetëror ku ishin dërguar viktimat.
Ndërkaq sipas agjencisë së lajmeve Press Trust of India, të paktën 32 njerëz kanë vdekur. Ura është shembur pasi nuk ka mundur të përballojë numrin e njerëzve në të, kanë theksuar zyrtarët PTI.