Policia e Kosovës, nëpërmjet një njoftimi, ka bërë të ditur se gjatë tri ditëve fundit, nga zyrtarët policorë të Drejtorisë Rajonale të Policisë së Prishtinës, për armëmbajtje pa leje, janë shoqëruar në stacion dhjetë persona dhe janë sekuestruar nëntë armë zjarri dhe dy armë të ftohta ( thika).
Sipas njoftimit, sekuestrimi i armëve është kryer në raste dhe lokacione të ndryshme.
“Ndërkaq, personat e dyshuar pas intervistimit, janë proceduar më tej, konfrom vendimeve të prokurorit të shtetit”, thuhet në njoftim.
Nëpërmjet këtij njoftimi, Drejtoria Rajonale e Policisë në Prishtinë, ka bërë të ditur se konfrom kompetencave dhe autorizimeve ligjore është e përkushtuar në ruajtjen e sigurisë, rendit dhe qetësisë publike.
“Drejtoria Rajonale e Policisë – Prishtinë, konform kompetencave dhe autorizimeve ligjore është e përkushtuar në ruajtjen e sigurisë, rendit dhe qetësisë publike”, ka përfunduar njoftimi.
