Rrjeti i Grave të Kosovës (RrGK) ka kërkuar nga Ministria e Shëndetësisë, që t’u hiqet licenca të gjitha infermiereve që kanë qenë të përfshira në rastin e fundit të ndodhur në Shtëpinë e Pleqve “Orenda” në Pejë.
Ky reagim i RrGK-së ka ardhur pas rastit të ndodhur në Shtëpinë e Pleqve ‘Orenda’ në Pejë, ku një e moshuar është sulmuar nga një infermiere. Ndërsa në videon e shpërndarë, shihet se infermieret e tjera nuk kanë ndërhyrë për ndërprerjen e rastit.
Kësisoj, RrGK ka kërkuar nga Ministria e Shëndetësisë, Ministria e Financave, Punës dhe Transfereve që t’i hiqet licenca e operimit qendrës “Orenda”, pasi sipas Rrjeti i Grave të Kosovës, në këtë qendër ndodh keqtrajtimi me persona të moshuar.
Tutje, RrGK ka ftuar Policinë e Kosovës që të veprojë me përgjegjësi të plotë, duke arrestuar të gjitha infermieret e pranishme, dhe ka ftuar njashtu edhe organet e tjera të drejtësisë që të hetojnë rastin, e infermieret të cilat ushtrojnë dhunë të marrin denimin e merituar.
”Përveç kësaj, RrGK fton Policinë e Kosovës që të veprojnë me përgjegjësi të plotë, duke arrestuar të gjitha infermieret e pranishme dhe fton të gjitha organet e tjera të drejtësisë që të hetojnë rastin me përgjegjësi të plotë dhe që infermieret të cilat ushtrojnë dhunë të marrin dënimin meritor ”, thuhet në njoftimin e RrGK-së.
Krahas kësaj, RrGk njashtu ka bërë thirrje që gjatë punës me viktimën e moshuar, institucionet të kenë një qasje me fokus ndaj viktimës, në mënyrë që e ajo të marrë ndihmën e duhur dhe të nevojshme.
”RrGK bën thirrje që gjatë punës me viktimën e moshuar, institucionet të kenë një qasje me fokus ndaj viktimës dhe që e njëjta të marrë ndihmën e duhur dhe të nevojshme. Gjithashtu, RrGK do të monitorojë reagimin e institucioneve ndaj këtij rasti dhe mbetet e hapur ndaj bashkëpunimit dhe ndihmës për viktimat e dhunës përmes këshillimit ligjor falas dhe referimit tek institucionet relevante. Nëse keni nevojë për ndihmë juridike falas për rastet e dhunës, apo njihni dikë që ka nevojë, na kontaktoni në numrin: 038 245 850”, ka përfunduar RrGK.