Nora Gjakova dhe Loriana Kuka janë xhudistet të cilat do të përfaqësojnë Kosovën në Grand Slam Baku që do të zhvillohet në Baku të Azerbajxhanit.
Nora Gjakova do të përballet të premtën në kategorinë -57 kilogram, ndërsa të dielën do të përballet Loriana Kuka në kategorinë -78 kilogram.
Të dyja garueset do të kandidojnë për të fituar medalje.
Pjesë e këtyre garave janë 5 kontinente, 61 shtete dhe 366 garues.
Federata e Xhudos ka bërë të ditur përmes një postimi në rrjetin social Facebook, se me garueset ka udhëtuar edhe Majlinda Kelmendi.
Gara e Nora Gjakoves do të fillojë nga ora 08:00.
Vlen të theksohet se Loriana Kuka, ka fituar medaljen e bronztë në Grand Slam Abu Dhabi, gara këto të cilat u mbajtën më 23 tetor. Kuka, arriti të shkojë deri në çerekfinale dhe fitojë 490 pikë olimpike.
Ndërsa, Nora Gjakova, medaljen e fundit e ka fituar njashtu në Grand Slam Abu Dhabi, që ishte medale e argjendtë dhe arrriti t’i sigurojë asaj 700 pikë olimpike.
Nora Gjakova fiton medaljen e argjendtë në Grand Slamin e Abu Dhabit