Kampionia e botës në kategorinë ‘Wellness’, Geta Beqa ka fituar edhe dy medalje të arta në Kampionatin Mesdhetar IFBB në Maltë.
“Një tjetër triumf për Shqipërinë! 2 Medalje të arta në Kampionatin Mesdhetar IFBB, Maltë”.
“Në foto së bashku me DubinasTeam, familjen time, Presidentin e Maltës, Kryegjyqtarin dhe komisionin mjekësor të IFBB”, ka shkruar Beqa në Facebook.
Geta Beqa, njëherësh është edhe profesoreshë në Fakultetin e Shkencave Sportive në Universitetin e Prishtinës dhe konsiderohet si një nga emrat më të kërkuar në Kosovë sa i përket kujdesit të trupit.
Këtë epitet e ka fituar me shumë mund sepse është kthyer në një trajnere tejet joshëse dhe shumë e kërkuar nga fytyrat publike.