Zyrtarët shtetërorë të shëndetësisë kanë inkurajuar imunizimin e fëmijëve kundër gripit dhe COVID-19 pa bërë ndryshime në listën e vaksinave tjera të nevojshme për hyrjen në shkollë në vjeshtën e vitit 2023.
Departamenti i Shëndetësisë në Nju Meksiko ka njoftuar të mërkurën e 16 nëntorit kërkesat për shkollë gjatë vitit të ardhshëm.
Imunizikimi për gripin, koronavirusin dhe papillomavirusin në mosha të përshtatshme rekomandohet por nuk kërkohet.
Sekretari i Departamentit të Shëndetësisë, David Scrase, ka thënë se agjencia nuk ka kërkuar kurrë vaksinime për sëmundjet virale të frymëmarrjes, por po i inkurajon ato bazuar në një fluks të fëmijëve të vegjël që sëmuren me viuse, duke përfshirë COVID-19, gripin dhe virusin sincicial të frymëmarrjes.
“Vaksinimi i fëmijëve kundër gripit dhe COVID-19 do të ndihmonte në parandalimin e përhapjes së sëmundjeve, sëmundjeve të rënda dhe komplikimeve afatgjata te fëmijët”, ka thënë Scrase në një deklaratë, shkruan AP.