Pas vendimit të Gjykatës së Apelit për uljen e dënimit të Naser Pajazitajt nga burgimi i përjetshëm në 35 vjet burgim për varsjen e Donjeta Pajazitajt ka reaguar vëllau i së ndjerës, Shkëlqim Pajaziti.
Përmes një postimi Pajaziti ka reaguar ndaj këtij vendimi duke shprehur pakënaqësi e duke shtuar se “turpi ju mbuloft, gjygjtar të pandershëm dhe të pamoralshëm”.
“Turpi ju mbuloft, gjygjtar t’pandershem e t’pamoralshem, Kofsh e mallkume #Drejtësia e Kosovës”, ka shkruar Pajaziti.
Lajmin për uljen e dënimit të Naser Pajazitajt ka konfirmuar, Gentiana Hoxha, nga zyra për informim e Gjykatës Themelore në Ferizaj.
Ndryshe, më 23 qershor 2022, Gjykata Themelore në Ferizaj, në rigjykim e ka dënuar me dënim të përjetshëm Naser Pajazitajn, i akuzuar për vrasjen e Donjeta Pajazitajt në nëntor të 2015-ës.
Nga burgimi i përjetshëm, Gjykata e Apelit ia zbut dënimin në 35 vite burgim Naser Pajazitajt