Kryetari i Kuvendit të Republikës së Kosovës, Glauk Konjufca ka thënë se në momente të tilla, tashmë kur një 35-vjeçare shtatzënë është privuar nga jeta dyshohet nga bashkëshorti i saj me të cilin raportohet të ketë qenë në proces të divorcit, nuk ka fjalë që përshkruajnë mllefin dhe dhimbjen.
Përmes një postimi në Facebook, Konjufca ka thënë se ngjarje si këto në kohën kur po shënohet fushata globale kundër dhunës me bazë gjinore, tregon domosdoshmërinë për përkushtim dhe reagim institucional dhe shoqëror.
“Gratë dhe vajzat nuk janë vetëm në këtë betejë. Iu bej thirrje institucioneve të rendit të bejnë çmos që ta kapin vrasësin. Kurse institucioneve të drejtësisë që t’ia japin dënimin e merituar. Bashkëndiej me familjen, të afërmit dhe miqtë e viktimës dhe iu shpreh ngushëllimet më të sinqerta!”, ka deklaruar ai.