Të paktën nëntë persona kanë vdekur nga një përmbytje e shpejtë në zonën metropolitane të Johanesburgut në Afrikën e Jugut, e cila është goditur nga stuhi të forta të shtunën e tre dhjetorit.
“Një grup njerëzish po merrnin pjesë në ritualet fetare në lumë mbrëmë kur një stuhi goditi”, ka thënë Robert Mulaudzi, zëdhënës i Shërbimeve të Menaxhimit të Emergjencave të Qytetit të Johanesburgut.
Mulaudzi ka shtuar se kishte 33 besimtarë në brigjet e lumit të vogël Jukskei në kohën e përmbytjes dramatike derisa një person është shpëtuar.
Ndërsa, mediat lokale janë duke raportuar se grupi po merrte pjesë në një ritual pagëzimi, raporton euronews.
“Ndoshta mesazhi për banorët tanë atje jashtë është që të jenë të kujdesshëm pasi dhe kur ata kryejnë këto lloj ritualesh për t’u siguruar që tregojnë kujdes, ata e bëjnë atë në një vend të sigurt dhe sigurojnë që masat e sigurisë të merren parasysh në mënyrë që ne të mund të jemi në gjendje të parandalojë incidente si këto”, theksoi Mulaudzi.
Edhe pse i cekët, lumi Jukskei dihet se ka shkaktuar përmbytje më parë, me qindra shtëpi të improvizuara që u shkatërruan në qytezën e Aleksandrisë në nëntor të vitit 2016.