Rreshjet e dendura që kanë shoqëruar qarkun e Lezhës të mërkurën në mbrëmje kanë shkaktuar disa probleme në disa zona, përfshirë këtu edhe urat.
Ndër to është “Ura e Zogut” e njohur ndryshe si monument kulturor, që rrezikon të shembet, e cila u dëmtua nga prurjet e larta të lumit Fan dhe Mat.
Siç shkruan Top Channel rrezikohet që strukturat e urës të çahen duke rrezikuar edhe disa banesa në Tale.
Ndryshe, në Lezhë janë disa hektarë tokë të mbuluar nga uji, gjithashtu ka edhe prezencë të ujit në disa biznese.
Ura e Zogut është monument kulture dhe shpesh herë janë ngritur peticione për restaurimin e saj, por nuk u mor asnjë masë duke përfunduar deri në dëmtimin e plotë të strukturës së saj në këmbët e urës dhe pjesën e harqeve.