Krasniqi: Në Kaçanik filluam zgjedhjet e Rinisë Demokratike të Kosovës

Partia Demokratike e Kosovës, ka nisur zgjedhjet e rinisë, kryetari i partisë në fjalë, Memli Krasniqi, ka thënë se zëri i të rinjve nuk do heshtet kurrë, dhe sipas tij, adresa është PDK-ja

Kryetari i PDK-së, Memli Krasniqi në Kaçanik ka hapur zgjedhjet e RDK-së

Kryetari i Partisë Demokratike të Kosovës, Memli Krasniqi ka njoftuar se partia e tij këtë të shtune ka filluar zgjedhjet në Rininë Demokratike të Kosovës.

Ai në një postim në rrjetin social Facebook, ka thënë se zgjedhjet kanë nisur në Komunën e Kaçanikut, e ky vend sipas tij, nuk është rastësi.

“Sot, në Kaçanik, shënuam një moment të rëndësishëm në jetën tonë partiake – fillimin e zgjedhjeve në Rininë Demokratike të Kosovës.E nisëm me Kaçanikun, jo sepse është në kufi të hartës së Kosovës, por sepse është në fillim të një rruge që do shtrihet gjithandej vendit”, ka shkruar ai në rrjetin social Facebook.

I pari i PDK-së, ka thënë se nga kjo komunë, po e nisin një frymë zërash të të rinjve e të rejave, që do të shpërndahet në çdo lagje, fshat e qytet.

Kryetari i PDK-së, Memli Krasniqi në Kaçanik ka hapur zgjedhjet e RDK-së

Po ashtu, ai ka treguar se Kushtrim Dema, është zgjedhur këtë të enjte, kryetari i ri i RDK-së në Kaçanik.

“Zëri i Kushtrimit, bashkë me të shokëve dhe shoqeve të tij do të dëgjohet. Jo vetëm brenda PDK-së, por gjithandej nëpër Kosovë”, është shprehur Krasniqi.

Ndërkaq, Krasniqi ka shtuar se me aktivistët e rinj, Kosovën do ta kthejnë në vend të ëndrrave të tyre, ku zëri i të rinjve sipas tij, nuk do heshtet kurrë, “sepse të rinjtë kanë zë e zëri i tyre e ka një adresë, Partinë Demokratike të Kosovës”.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika