Shefi i misionit të EULEX-it, Lars-Gunnar Wigemark, ka njoftuar se pas kërkesës nga Policia e Kosovës, pjesëtarët e EULEX-it më 17 dhjetor u kanë ofruar zyrtarëve policorë të Kosovës në Jarinjë furnizime esenciale, duke përfshirë ushqime, veshmbathje e mjete higjienike.
Kështu bëri të ditur Wigemark përmes një postimi në rrjetin social Twitter.
“Me kënaqësi ju njoftoj se pas kërkesës së Policisë së Kosovës, EULEXKosovo më 17 dhjetor, oficerëve të Policisë së Kosovës në pikën e përbashkët të kalimit në Rudnicë/Jarinjë u dorëzoi furnizime thelbësore, duke përfshirë furnizime ushqimore, veshmbathje si dhe sende higjienike”, ka shkruar ai në llogarinë e tij.
Pleased to announce that following a request by the Kosovo Police, @EULEXKosovo on 17 December delivered essential supplies to the Kosovo Police officers 👮♀️ 👮♀️at the Rudnica/Jarinjë Common Crossing Point, including food supplies, clothing as well as hygiene items.
— Lars-Gunnar Wigemark (@LarsGWigemark) December 20, 2022