Një punëtor, të shtunën ka humbur jetën si pasojë e kontaktit me energjinë elektrike.
Lajmin për RTV DUKAGJINI e ka konfirmuar zëdhënësi i Policisë së Kosovës për rajonin e Pejës, Fadil Gashi.
Sipas Gashit, ngjarja ka ndodhur të shtunën rreth orës 10:16 në lagjen Dardania, në Pejë.
Siç tha ai, punëtori ishte duke kryer disa punime, ku nga pakujdesia ka pasur kontakt me rrymën elektrike.
“Rreth orës 10:16 policia është njoftuar se në lagjen ‘Dardania’ në Pejë një punëtor i cili ishte duke kryer disa punime nga pakujdesia ka pasur kontakt me rrymën. I njëjti është dërguar në Spitalin Rajonal në Pejë ku mjeku kujdestar ka konstatuar vdekjen e tij”, ka thënë Gashi për RTV Dukagjini.