Ministria e Bujqësisë, Pylltarisë dhe Zhvillimit Rural, përmes një njoftimi në rrjetin social Facebook ka bërë të ditur se Agjencia për Zhvillimin e Bujqësisë do të punojë edhe të shtunën me datën 24 dhjetor, me qëllim që të pranohen kërkesat për pagesën e avancit për programin e vitit 2022.
Ndër të tjera, Ministria e Bujqësisë, Pylltarisë dhe Zhvillimit Rural ka ftuar fërmerët që kanë kërkesa për pagesë që të paraqiten në Zyrën Qendrore të AZHB-së në Prishtinë.
“Të nderuar fermerë, ju njoftojmë se Agjencia për Zhvillimin e Bujqësisë – AZHB do të punoj edhe nesër, e shtunë me datë 24.12.2022 nga ora 8.00-16.00 për pranimin e Kërkesave për Pagesën e Avancit për programin e vitit 2022.
Të gjithë fermerët që kanë kërkesa për pagesë, luten të paraqiten në Zyrën Qendrore të AZHB-së në Prishtinë në Rr. “Ukshin Hoti”, ish-kompleksi “Ramiz Sadiku” kati i 9-të”, thuhet në njoftimin e Ministrisë së Bujqësisë, Pylltarisë dhe Zhvillimit Rural.