Presidentja e Kosovës, Vjosa Osmani, ka ndarë pamje mahnitëse të Pjetërshanit të Gjakovës, ku edhe e ka kaluar natën e Krishtlindjeve te disa familje gjakovare.
Osmani, në fshatin Pjetërshan për natën e Krishtlindjeve, është shoqëruar nga bashkëshorti dhe dy vajzat e saj.
“Mbrëmjen e Krishtlindjes e kaluam në fshatin e bukur të Pjetërshanit. Qytetarëve të këtyre fshatrave bujare ua uruam kremtën e Krishtlindjes e pastaj u mirëpritëm edhe në Famulli”, shkruan Osmani në rrjetin social Fecebook.
Po ashtu, ajo ka njoftuar se festa vazhdoi në familjen Simoni, me gjithë mikëpritjen tradicionale shqiptare.
Nga aty, uruan edhe një herë që paqja dashuria, mirëkuptimi dhe toleranca të mbizotërojnë gjithmonë te secila familje.
Ndërsa, kryeministri i Kosovës, Albin Kurti, me ftesë nga Ipeshkvia e Kosovës, ka marrë pjesë në pritjen e organizuar për Krishtlindje. Kreu i ekzekutivit i uroi ipeshkvit Dodë Gjergji dhe besimtarëve katolikë Krishtlindje të gëzuar