Policia e Kosovës ka dhënë më shumë detaje rreth plagosjes së dy personave në Shtërpcë, të premten e 6 janarit.
“Policia Rajonale e Ferizajt, pas një pune intenzive hetimore, grumbullimit të informacioneve në terren, pasi kanë identifikuar e më pas kanë arrestuar të dyshuarin A.K (M/K) i moshës 33 vjeçar, hetuesit rajonal kanë gjetur e më pas kanë konfiskuar armën e zjarrit (pistoletë) me të cilën dyshohet se është kryer vepra penale”, thuhet në njoftimin e Policisë së Kosovës.
Tutje thuhet se si provë materiale është konfiskuar edhe automjeti i udhëtarëve me të cilën dyshohet se ka lëvizur i dyshuari.
Pak më parë, ministri i Mbrojtjes, Armend Mehaj ka njoftuar se i dyshuari për plagosje në Shtërpcë është pjesëtar i Forcës së Sigurisë së Kosovës.