Futbollisti portugez, Joao Felix, mori një karton të kuq për një ndërhyrje të dobët ndaj Kenny Tete në debutimin e tij me klubin Chelsea, në humbjen e tyre 2-1 ndaj Fulham.
Sulmuesi 23-vjeçar, bëri një ndërhyrje duke rrëshqitur me këmbë te mbrojtësi i djathtë, Kenny Tete, të cilin mund ta kishte lënë të lënduar rëndë, për këtë ai u ndëshkua me karton të kuq.
Edhe pse gjyqtari David Coote u konsultua me VAR-in, nuk pati asnjë hezitim të përjashtonte Joao Felix -in me një të kuqe pas vetëm 58 minutash të debutimit të tij te Chelsea.
And in his first match with Chelsea, a great enthusiasm started that led to the red card 🟥 @joaofelix70 🇵🇹 pic.twitter.com/4vhMsS0bZB
— 🏴Premier League Kings🏴 (@mlk_aldwry) January 13, 2023
Chelsea ishte në barazim 1-1 pasi pranoi golin e parë, por humbi 2-1 në minutën e 73-të pas kartonit të kuq të Felix.
Ky largim do ta detyrojë lojtarin e huazuar nga Atletico Madrid t’i humbasë tri ndeshjet e ardhshme të Chelseat kundër Crystal Palace, Liverpool dhe Fulham. Kjo e lë jashtë për 30 ditë.
Daily Mail vlerëson se Chelsea ka investuar në total 23.6 milionë euro në operacionin Joao Felix, mes asaj që duhet t’i paguajë Atletico -s për huazimin e tij si dhe pagës së lojtarit.
Ndërkaq, gazeta raporton se kostoja e kartonit të kuq të Felix vlerësohet në 2.4 milionë euro, pasi çdo ndeshje që Joao Felix luan për skuadrën londineze vlerësohet në 804 mijë e 706 euro.
Ylli i ri portugez debutoi te Chelsea në huazim nga Atletico Madrid për katër muaj, por kjo shumë shpejt u reduktua në tre.