Presidenti i Serbisë, Aleksander Vuçiq, ka treguar kundërpërgjigjen që ia kishin kthyer BE-së, Gjermanisë dhe Francës, lidhur me planin franko-gjerman.
Vuçiq ka thënë se i kanë treguar vijat e kuqe të Serbisë, sa i përket marrëveshjes me Kosovën.
Ndërkaq, ai ka përmendur takimin e tij me të dërguarin e posaçëm të Bashkimit Evropian për Dialogun ndërmjet Kosovës dhe Serbisë, Miroslav Lajçak, i cili sipas tij, pritet të mbahet me datën 20 janar të këtij viti.
Vuçiq e ka quajtur këtë një takim të madh.
“Ne presim dhe ju falënderojmë për faktin që delegacioni amerikan insistoi në zbatimin e marrëveshjes dhe një takim i madh na pret në datën 20 me Miroslav Lajçak. Të shohim si do të duket”, ka thënë Vuçiq, shkruan tanjug.
Për Asociacionin, Vuçiq është shprehur se nuk është e mundur që diçka e tillë të arrihet në përputhje me ligjin.
“Kur ju insistoni që diçka duhet të jetë në përputhje me kushtetutën e të ashtuquajturës Kosovë, atëherë lind pyetja se çfarë kemi negociuar në radhë të parë dhe çfarë kemi negociuar në radhë të parë. Ne i kemi zhvilluar negociatat pikërisht sepse e dimë se nuk është aspak e mundur të arrihet kjo në përputhje me aktet ligjore dhe legjislacionin e njërit, tjetrit apo të tretë”, ka thënë Vuçiq.