I dërguari i posaçëm i Bashkimit Evropian për dialogun Kosovë-Serbi, Miroslav Lajçak në vazhdën e takimeve me vendet që ende nuk e kanë njohur pavarësinë e Kosovës, të martën e 24 janarit është takuar me të dërguarën e Greqisë për Ballkanin Perëndimor, Sofia Grammata.
“Me të dërguarën e Greqisë për Ballkanin Perëndimor, fola për përpjekjet e BE-së për avancimin e normalizimit të marrëdhënieve ndërmjet Kosovës dhe Serbisë dhe rolin e rëndësishëm të Greqisë në rajon”, ka shkruar Lajçak në Twitter.
With 🇬🇷 envoy for the Western Balkans, I spoke about our 🇪🇺 efforts on advancing normalisation of relations between Kosovo and Serbia and the important role of Greece in the region. pic.twitter.com/bL0yNROMH5
— Miroslav Lajčák (@MiroslavLajcak) January 24, 2023
Ndryshe, kohët e fundit, emisari ka nisur një sërë takimesh me vendet që ende nuk e kanë njohur pavarësinë e Kosovës.
Pesë shtetet anëtare të BE-së që nuk e kanë njohur Kosovën janë, Rumania, Sllovakia, Qipro, Greqia dhe Spanja.
Pesë vendet e BE-së që akoma nuk e njohin pavarësinë e Kosovës llogariten ndër pengesat kryesore në këtë synim.