Punëtorët e sektorit publik do të përfitojnë edhe në muajin janar nga 50 euro shtesë në pagë.
Kështu ka vendosur Qeveria e Kosovës në mbledhjen e së mërkurës.
Kjo, në kuadër të Pakos për Përballje me Inflacionin si masë mbështetëse për sektorin publik, që pati nisur në shtator të vitit 2022.
Ministri i Financave, Hekuran Murati, ka thënë se ka qenë premtim i Qeverisë që të paguhet kjo shtesë deri në hyrjen në fuqi të Ligjit të Pagave, që sipas tij pritet të nisë në shkurt.
“Bëhet fjalë për vazhdimin e shtesës për punëtorët shëndetësorë, marrë parasysh që Ligji i Pagave pritet të hyjë në fuqi vitin e ardhshëm, ndërsa shtesa ka qenë e paraparë deri në fund të vitit fiskal. Ta vazhdojmë këtë shtesë edhe për muajin janar, që të mos ketë hendek deri në muajin shkurt sa i përket edhe tranzicionit deri në hyrjen në fuqi të Ligjit të Pagave”, tha ai.