Shpërndarja e kësaj videoje në rrjete sociale, tronditi publikun në Kosovë e më gjerë.
Përveç revokimi të licensës për shtëpinë e kujdesit për të moshuar “Orenda” në Pejë, nën arrest fillimisht përfunduan edhe tri infermiere të përfshira në këtë rast. Të njëjtat u liruan falë një vendimi të Gjykatës Supreme, që ndërpreu masën e paraburgimit.
Por avokati i familjës së të dëmtuarës, Meshar Selimaj, ka ngritur dyshime se e dyshuara kryesore, Aulona Pelaj është larguar në drejtim të Gjermanisë.
Meshar Selimaj, avokati i familjës ka thënë se “Burime të pakonfirmuara kanë treguar se e njëjta është jashtë Kosovës. Në momentin që kërkohet prezenca e saj si subjekt në procedurën penale ku unë përfaqësoj palën e dëmtuar, atëherë ekzistojnë mekanizmat sipas Kodit të Procedurës Penale të Kosovës që sigurojnë prezencën e saj në procedurë”.
Por, avokati që përfaqëson Aulona Pelaj një gjë të tillë e mohoi ndëmjet telefonit për televizionin.
Visar Berisha, avokat i Aulona Pelajt ka thënë se “Nuk kam dëshirë të prononcohem për këtë çështje. Nuk ka shku në Gjermani, këtu është. Deklarata e avokatit të familjës nuk qëndron”.
Nëse Pelaj është larguar ose jo nga Kosova, nuk kanë informacione as në Prokurorinë Themelore të Pejës.
Zëdhënësi i Prokurorisë, Shkodran Nikqi po ashtu bëri me dije që hetimet janë në fazën e fundit dhe pritet që së shpejtit të ngritet aktakuzë ndaj të dyshuarave.
Në nëntor të vitit të kaluar në shtëpinë e pëlqeve në Pejë “Orenda”, ishte ushtruar dhunë fizike ndaj një të moshuare nga një anëtare e stafit.
Videoja e publikuar në rjete sociale më 2 nëntor, kishte nxitur reagime të ashpra në publik, ndërsa përveç revokimit të licendsës për institucionin, licencat u ishin marrë edhe 4 infermiereve të përshira.