Ish-ministrja e Punëve të Jashtme, Meliza Haradinaj-Stublla, ka thënë se institucionet e Shqipërisë përtej heshtjes, më e pakta që mund të bëjnë për Kosovën është përkrahja ndërkombëtare kundër Asociacionit njëetnik.
Sipas Haradinaj-Stubllës, Shqipëria duhet ta përkrahë Kosovën për avokimin e të drejtave të mohuara të shqiptarëve në Serbi.
Përmes një postimi në llogarinë e saj në Twitter, Haradinaj-Stublla është shprehur se duket kaq e thjeshtë, por edhe e ndërlikuar.
“Përtej heshtjes, më e pakta që institucionet e Shqipërisë do të mund të bënin në këtë udhëkryq kombëtar, është përkrahja ndërkombëtare kundër Asociacionit njëetnik & avokimi për të drejtat e mohuara të shqiptarëve në Serbi. Kaq e thjeshtë, por kaq e ndërlikuar. Si përfunduam këtu?”, ka shkruar ajo në Twitter.
Përtej heshtjes, më e pakta që institucionet e Shqipërisë do të mund të bënin në këtë udhëkryq kombëtar është përkrahja ndërkombëtare kundër Asociacionit një-etnik & avokimi për të drejtat e mohuara të shqiptarëve në Serbi. Kaq e thjeshtë por kaq e ndërlikuar. Si përfunduam këtu?
— Meliza Haradinaj (@MelizaHaradinaj) January 27, 2023