Deputeti i Lëvizjes Vetëvendosje, Artan Abrashi, është shprehur kategorikisht kundër themelimit të Asociacionit të komunave me shumicë serbe.
Madje, ai ka hedhur dyshime te këshilltari i Departamentit amerikan të Shtetit, Derek Chollet dhe i dërguari i posaçëm i SHBA-së për Ballkanin Perëndimor, Gabriel Escobar, se kanë marrë ndonjë premtim nga presidenti i Serbisë, Aleksandër Vuçiq dhe kryeministrja Ana Brnabiq, në këmbim të themelimit të Asociacionit.
“Nuk e di, çka Vuçiqi e Brnabiqi i kanë premtuar Cholletit dhe Escobarit, por: Zajednica nuk kalon”, ka shkruar ai.
Themelimi i Asociacionit është një kërkesë kryesore e bashkësisë ndërkombëtare për ta arritur një marrëveshje me Serbinë.
Deri më tani pala kosovare ka rezistuar karshi kësaj kërkese, por presioni mbetet ende i madh.
Së fundmi, Chollet dhe Escobar kanë thënë se është koha për themelimin e Asociacionit.
Chollet dhe Escobar: Është koha për themelimin e Asociacionit