Kryeministri i Shqipërisë, Edi Rama, ka njoftuar se është hapur tuneli i Llogarasë, i cili gjendet rreth 20 km në jug të qytetit të Vlorës.
Kryeministri Rama ka njoftuar se kanë përfunduar “me një moment emocionues” për gërmimet e tunelit të Llogarasë.
“I cili tanimë është i hapur në krejt gjatësinë e vet, falë përmbylljes së procesit më të vështirë për ndërtimin e kësaj vepre infrastrukturore, që do të shkurtojë konsiderueshëm kohën e udhëtimit drejt Jonit, duke rritur njëkohësisht standardet e sigurisë rrugore”, ka shkruar Rama.
Tutje, kryeministri shqiptar ka theksuar se “një punë e bërë në kohë rekord që do të pasohet tani me proceset e tjera, deri në përfundimin e plotë të të gjithë veprës, shpresojmë në 1 qershor të vitit të ardhshëm”.