Presidentja Vjosa Osmani dhe kryeministri Albin Kurti, të martën kanë udhëtuar për në ShBA, për të marrë pjesë në ceremoninë e varrimit të Madeleine Albright.
Ndërkaq, të mërkurën gjatë ceremonisë, krerët e shtetit janë takuar me Sekretarin Amerikan, Antony Blinken.
Ndryshe, më 23 mars të këtij viti, Madeleine Albright, gruaja e parë sekretare e shtetit të ShBA-ve, kishte vdekur në moshën 84 vjeçare.
Ajo ishte një figurë e rëndësishme në administratën e ish-presidentit, Bill Clinton.
Po ashtu ditë më parë, Ndihmës Sekretarja amerikane e Shtetit për Çështje Evropiane dhe Euroaziatike, Karen Donfried, ka qëndruar për një vizitë në Kosovë.
Pas takimit që kishte me Osmanin e Kurtin, ndër të tjera, ajo ka theksuar se këta të fundit nuk shprehën asnjë kusht për dialogun me Serbinë.
“Kuptimi i qartë që e kam nga ajo që të dytë, presidentja dhe kryeministri, më thanë është se ka gatishmëri për t’u angazhuar me seriozitet dhe kreativitet në dialog dhe nuk pati asnjë kusht që u shpreh për këtë”, ka thënë Donfried.
Ndër të tjera ajo kishte shprehur se Bashkimi Evropian duhet që ta ndihmojë Kosovën që të arrijë të dal nga “status quo” dhe të normalizoj raportet me Serbinë me njohje të ndërsjellë të të dyja vendeve.