Drejtoresha e Arsimit në Komunën e Prishtinës, Besianë Musmurati, ka njoftuar se nga e martja e 14 shkurtit, në të gjitha shkollat e kryeqytetit ka filluar furnizimin me dollape të fëmijëve për klasat e para deri në klasat e pesta.
Musmurati ka theksuar se “në çdo takim me prindërit e fëmijëve të kësaj grupmoshe, kam marrë ankesa për peshën e rëndë të çantave”.
Sipas një hulumtimi të bërë nga një shkollë fillore e Prishtinës, nxënësi i klasës së parë që ka peshë trupore rreth 23 kilogramë, e bart çantën mesatarisht 4 kilogramë e 170 gramë. Ndërsa, sipas Organizatës Botërore të Shëndetësisë, pesha fizike që bartin fëmijët nuk duhet të jetë mbi 10 përqindëshin e peshës trupore të fëmijëve, pra 2.3 kilogramë.
“Kemi blerë dollapë metalikë që i rezistojnë kohës dhe që janë tejet të përshtatshëm për fëmijë. Po fillojmë me shkollat ‘Hasan Prishtina’, ‘Ismail Qemaili’ dhe ‘Naim Frashëri’ që të vazhdojmë në të gjitha shkollat e Prishtinës” ka deklaruar ndër të tjera Musmurati.