Një aksident trafiku ka ndodhur të martën rreth orës 19:00 në Arllt, ku një veturë ka goditur këmbësorin, duke e lënë atë me lëndime të rënda trupore. Ndërsa, ngasësi është larguar nga vendi i ngjarjes.
Lajmin e ka konfirmuar për Portalin Dukagjini, zëdhënësja e Policisë së Kosovës për rajonin e Prishtinës, Flora Ahmeti, e cila ka treguar se këmbësori është dërguar për tretman mjekësor.
Ndër të tjera, Ahmeti ka theksuar se njësiti i trafikut po punojnë për të identifikuar ngasësin e automjetit dhe për të hetuar rastin.
“Rreth orës 18:40 kemi pranuar informatën se në kryqëzimin e rrugëve “Agim Qela” dhe “Hamëz Jashari”, në Arllat, ka ndodhur një aksident trafiku me lëndime.
Në këtë aksident kanë qenë të përfshirë, një këmbësor dhe një automjet.Si pasojë e aksidentit lëndime të rënda trupore ka pësuar këmbësori dhe është dërguar për tretman mjekësor, ndërkohë që ngasësi i automjetit është larguar nga vendi i ngjarjes”, thuhet në përgjigjen e Ahmetit.
“Zyrtarët nga njësiti i trafikut janë duke punuar në drejtim të identifikimit të ngasësit të automjetit dhe hetimit e rastit”, ka vijuar më tej ajo.