Policia e Kosovës ka bërë të ditur se gjatë ditës së enjte në orën 08:00, ka pranuar informatë se në afërsi të shkollës së mesëm në fshatin Poklek të Komunës së Drenasit, ka ndodhur një rrahje mes nxënësve.
Policia menjëherë ka dalë në vendin e ngjarjes, me ç’ rast pas ndërmarrjes së veprimeve të nevojshme operativo-policore, ka identifikuar tre të dyshuar, dy nga të cilët, janë arrestuar, ndërkaq i treti është ende në arrati.
“Ndërkohë që janë kryer veprimet hetimore të kësaj faze në drejtim të veprave penale Vrasje në tentativë’ si dhe ‘Mbajtje në pronësi kontroll ose posedim të paautorizuar të armës’, në përputhje me aktvendimin e nxjerrë nga prokurori i shtetit të dyshuarit”, thuhet në njoftimin e Policisë.
“L. Q, mashkull i mitur, 16 vjeç, shtetas i Republikës së Kosovës, si dhe L. Q, mashkull i mitur, 16 vjeç, shtetas i Republikës së Kosovës, janë dërguar në mbajtje prej 24 orësh për t’u proceduar më tej, përderisa viktimave u është ofruar trajtimi i nevojshëm mjekësor”.