Kryetari i Këshillit Atlantik të Austrisë, Gunther Fehlinger, i cili ishte pjesëmarrës në organizimin për nder të 15-vjetorit të Pavarësisë së Kosovës, ka bërë thirrje për anëtarësimin e Kosovës në NATO, përfshirë edhe Austrinë dhe Ukrainën.
Kështu është shprehur ai me anë të një postimi në llogarinë e tij në Twitter.
“Miqësia mes Kosovës dhe Austrisë festohet me shumë stil në Vjenë. Duke festuar ditëlindjen e 15-të të Republikës së Kosovës në zemër të Austrisë Neutrale, bëj thirrje për anëtarësim në NATO, Kosovën, Austrinë dhe Ukrainën”, shkroi ai.
Po ashtu, ai u ka bërë thirrje Qipros dhe Greqisë, që ta njohin Pavarësinë e Kosovës.
“I bëj thirrje Greqisë dhe Qipros që ta njohin Kosovën dhe të jenë aleat më i mirë për NATO-n. Tashmë janë 15 vjet, pavarësia është fakt dhe pse të qëndrojmë në anën serbe dhe ruse në këtë çështje”, ka shkruar Fehlinger.
Celebrating 15th birthday of Republic of Kosovo 🇽🇰 in Vienna today in heart of Neutral Austria 🇦🇹 I call for NATO membership of Kosovo 🇽🇰 Austria 🇦🇹 and Ukraine 🇺🇦 pic.twitter.com/1aVnzKYPbN
— Gunther Fehlinger (@GunterFehlinger) February 20, 2023
I call Greece 🇬🇷 to recognize Kosovo 🇽🇰 now and be a better Ally for NATO @kmitsotakis @cnni @jchatterleyCNN
It is 15 years now, Independence is a fact and why to stay on Serbian and Russia side on this issue? @NikosDendias ? 15 years! Move on! pic.twitter.com/k2y7Dx0L1p— Gunther Fehlinger (@GunterFehlinger) February 20, 2023
Po ashtu ka thënë se “Rumania ta njohë Kosovën dhe Austria do t’i japë fund Vetos kundër anëtarësimit në Shengen”.
Ndryshe, Austria konsiderohet ndër vendet aleate dhe kontribuese të madhe ndaj Kosovës.