Policia e Kosovës ka njoftuar se një person është dërguar në emergjencë në Ferizaj pa shenja jete.
Rasti raportohet të ketë ndodhur të shtunën e 25 shkurtit.
Në raportin 24 orësh të policisë thuhet se ekipi mjekësor e ka konstatuar vdekjen e viktimës dhe se policia është duke e hetuar rastin.
Lidhur me këtë janë intervistuar dy të dyshuar.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
“Raportohet se në emergjencë Ferizaj është sjellë pa shenja jete një femër kosovare, ku nga epika mjekësore është konstatuar vdekja e saj. Njësiti policor ka dalë ne vendngjarje. Në lidhje me rastin janë intervistuar dy të dyshuar meshkuj kosovarë. Me vendim të prokurorit, trupi i pajetë është dërguar në IML për obduksion”, thuhet në raport.